幫單身人士尋找另一半！ FACEBOOK將新增約會功能

單身人士福音！FACEBOOK在昨日預告FACEBOOK即將推出約會功能！近年交友APP風氣盛行，好多沒有伴侶的人都會透過交友APP識下朋友，睇下有沒有機會有段美好姻緣，而FACEBOOK亦好似知道這個大趨勢，所以著手在FACEBOOK推行約會模式，單身人士以後又多個途徑去尋覓另一半啦！

FACEBOOK表示用家可以申請一個約會的個人檔案，但大家放心，檔案不會顯示在自己同朋友的動態上, 大家可以低調咁認識新朋友。

另外，約會功能亦不會將用家同用家本身已經認識的朋友做配對，咁就避免發生尷尬啦！

約會功能仲會不時顯示出用家感興趣的活動，等用家可以透過約會功能參加一些自己有興趣的活動，再結識同樣參加了該項活動的參加者。

在活動中，參加者可以同自己有興趣的用家傾計，但對話內容並不會連接到FACEBOOK MESSENGER 同WHATSAPP，對話內容相對地有私隱。

交友APP BUMBLE對FACEBOOK推出約會功能表示緊張，並透露已經聯絡FACEBOOK，希望2者有合作機會，並一齊創造一個更加安全同可以主導市場的交友APP。

FACEBOOK指新功能預計會在今年推出，大家對於FACEBOOK踩過界搞埋約會功能又點睇呢？

資料來源：CNN TECH

圖片來源：PEXELS

-----------------------------------------------------------------------------------

歡迎支持長崎涼美Facebook page (http://www.facebook.com/Nagasakijetso) ，留意我最新及至潮生活小知識！

假如你地有任何折扣優惠、得意有趣相片、開心大發現、生活健康資訊等，記得些牙到Facebook inbox，分享比我啊～🌸ありがとう🌸〜