【DAISO廚房用品】最近成日介紹DAISO的新產品，可能新奇兼有趣，但未必樣樣都好用！不如實際一點，看看DAISO最暢銷的廚房top 10，件件都只係8蚊，買定放在家中一定冇錯！
第10位・「防滾瀉」飛碟
煮意粉或麵時，成日都會滾瀉，搞到爐頭好污糟。但只要放呢隻「飛碟」在煲底先煮，就唔會滾瀉！
 |
| 第10位・「防滾瀉」飛碟 |
第9位・矽膠洗碗海綿架
成日都唔知個洗碗海綿放邊度好？呢個矽膠架就可以幫到手！另外，方便清洗之餘，更有3種顏色可以選擇。
 |
| 第9位・矽膠洗碗海綿架 |
 |
| 底部有排水孔，海綿的水不會儲在架內，而且用矽膠做材料，方便清潔！ |
 |
| 共有3種不同顏色。 |
第8位・豉油噴霧樽
從豉油樽直接倒豉油出來，其實很難控制分量。但用這個噴霧樽，就可以輕鬆將豉油平均灑上，而且可以減低鹽的吸取量。
 |
| 第8位・豉油噴霧樽 |
第7位・「大畫面」廚房計時器
畫面大，企遠一點都可以睇到時間，不用走近去看。
 |
| 第7位・「大畫面」廚房計時器 |
第6位・保冷/保溫便當tote bag
又平又實用，更是長青的dot柄圖案，絕對是帶飯盒的女生們必備！就算不帶飯，去朋友屋企開party時，帶雪糕、布甸都適用。
 |
| 第6位・保冷/保溫便當dot柄tote bag |
 |
| 放2支膠樽飲品剛剛好。 |
第5位・膠瓶（容量1.5L）
高16cm，用來放細小的食材最合適，如豆類、花生等，瓶口大，容易拿出來，共有白、啡兩種顏色。
 |
| 第5位・膠瓶（容量1.5L） |
 |
| 有手挽位，更方便使用！ |
第4位・保冷&保溫膠樽套
最適合小朋友去野餐時用，既保冷，又有長長的肩帶可揹上身。分別有水玉及格仔圖案，各有3種顏色！
 |
| 第4位・保冷&保溫膠樽套 |
 |
| 適合小朋友去野餐或海灘玩時用。 |
第3位・廚剪
除了是剪刀，更可以開樽蓋及壓碎果仁殼，一物三用，最重要當然是平！
 |
| 第3位・廚剪 |
第2位・有氣孔的微波爐保鮮盒（430ml）
保鮮盒如果冇氣孔，不能直接放入微波爐，但如果有氣孔，不能密封，入面有液體的話，又會很麻煩！這個盒就可以解決所有問題，因為於蓋的一邊，設有可以開關的透氣孔，放入微波爐加熱前，把它打開即可！一套2個，好抵用！
 |
| 第2位・有氣孔的微波爐保鮮盒（430ml） |
 |
| 放入微波爐加熱前，只要把開關口打開就得！ |
第1位・保冷劑（350g）
第一位，原來是保冷劑！夏天去沙灘玩一定要買多幾件，將飲品保冷！又或是去BBQ，不用擔心生肉變壞！
 |
| 第1位・保冷劑（350g） |
資料來源：Gotrip.hk
-----------------------------------------------------------------------------------
